عيد ميلاد نور كان الأسبوع الي فات ب13-12-2011 و طبعا كانت مهيئة نفسيتها لمفاجئة زي كل سنة...
المفجأة هاي السنة انو مافي مفاجأة!
ما عملت أي اشي و لا حتى اشتريت أي هدية (مشكلة الهدية) و قدرت بوسائلي الخاصة أقنعها انو نأجل أي احتفال لبعد أسبوع انو بس ينزل الراتب هههههههه
ضلت يوم عيد ميلادها متوقعة مفاجأة و طبعا ما صار اشي و انا صرت أتعمد أطلع مشاوير عشان أتأخر بالرجعة عل بيت و اخليها تشك أكتر انو في مفاجأة (مع العلم اني كنت كل مكالمة أأكد عليها اني مو عامل اي مفاجأة) بس هي من جوه كان عندها احساس بأنو في مفاجأة...و هون الإبداع ! انك تخلي المفاجأة غير متوقعة أبدا!
هدا الأسبوع بدي أوديها تطلع مع صاحباتها بدي احطها معهم و أروح و برجعلها بس تخلص و هدا هو الوقت المناسب عشان أجيب تورتة و الهدية
مشكلة الهدية: باختصار كنت بدي أشتريلها ساعة ايد بس أختي بعتتلها ساعة من الأردن أنا كتير انقهرت لأنها بدها ساعة ايد كتير :(
أنا أصلا كنت شاريلها أواعي لانجري من ايباي من شهر 10 بس لحد الأن ما وصلت عل كويت مع اني كنت ناوي أعطيها اياهم بعيد ميلادها بس ما صار مجال...على كل حال أنا قررت أشتريلها نظارة شمسية لأنها بتموت على النظارات و ان شاء الله راح تعجبها أكيـــــــــد!
ساعة الصفر يوم الخميس
اليوم بدي أطلع أوصي على التورتة :)
